得龍盤菜

每次做節食飯都係媽MI負責煑，今年試下再嗌盤菜食

而且年尾媽MI非常唔得閒，叫個盤菜就唔使搞咁多嘢!

咁多年做節好少嗌盤菜，講講下先發覺叫過一次..........

原來當年係食鴻星盤菜...........我地真係無咩印象，既然無咩印象即係唔係特別好食啦!

我最初想訂太興盤菜，忽然記起得龍，就訂得龍啦!

今次做節我改為供應盤菜，阿一罐頭鮑下次做節先食啦!

我地有六個人，訂盤細$698已經好夠!

味道無令我地失望，果個鱔球雖然淋咗 ，但係都好好味!

要彈就係蠔豉，預左蠔豉唔會俾D靚嘢你，但係幾粒蠔豉都浸唔夠......要改善下

至於雞同燒鵝好唔好味呢?.........我唔係好見到有雞同燒鵝(啱啱望到張相有兩件燒鵝)

相信雞同鵝嘅份量唔多，甚至可以用好少黎形容!

雖然訂左盤菜，但係媽MI都準備咗兩餸一湯!

發財好市!!

石斑，係咩斑我就唔知喇!

我哋食剩咗好多!!