新春下廚樂

農曆年放咗兩個星期假，於是就煑下嘢食，就整蠔仔餅啦!

買左半斤蠔仔，洗左好耐好耐.........我逐隻逐隻洗，真係洗到手指都皺晒!

落鑊煎喇!到呢個步驟都好順利

裝下個底，以為可以反轉，點知原來未得........

一反........斷開咗...........

至於味道如何呢?我同老公都覺得D味道同出面有七八成相似，但仲要改良一下

我問老公食唔食到有蠔殼，佢話無，不枉我洗咁耐蠔仔

下次再整過

另一道超簡單嘅菜-----泰式焗烏頭

買咗條魚，唔使打鱗

將d香茅、金不換同埋少少檸檬葉(加唔加都得)塞入條魚肚裡面

然後再將d鹽舖晒成條魚，用錫紙包住焗，咁就搞掂

呢個餸好易整，基本上唔會有煑得唔好食的機會