入到去發覺坐位唔係好多，大概得二十幾個，所以記得訂位!
打開餐牌一睇，如來好多都要預訂.........
姐姐話訂位時侍應問有無咩食物要預訂，其實我地都唔知有咩食物要預訂，因為第一次黎食
咁唯有叫D唔需要預訂的食物
酒香鴨肝沙律
蠔上蠔，好味!
由於侍應話個焗薯會等得耐d，我地可以叫個多士，我地話睇下先，
隔多陣又過黎問要唔要落個多士........其實我要落單的話我會同你講
唔需要再走黎問........又或者有人覺得佢地服務好細心.......
不過呢一刻我唔覺，只係覺得有少少被逼落order
心想，好啦好啦，試下個多士，反正要等成個鐘有有個薯批
陳草菇多士，呢個我同姐姐都覺得普通，反而個包仲好味!脆口得黎唔會乾爭爭
忌廉煙肉焗薯批，好味! 不過要待45分鐘至1個鐘
食到呢個已經幾飽，因為好焗薯好飽肚......所以只叫一客蘋果批
呢個蘋果批又係好好味，咬落口個蘋果仲係爽口!
埋單$630，係值得，食物大部份都好好味! 而侍應亦會主動換碟同添水
話說因為覺得飽，但係想試下個蘋果批，所以只叫一個!
同侍應講完要一個蘋果批，佢問要唔要其他甜品，我地話唔需要
跟住再問要唔要飲品，其實我落完個蘋果批已經話叫住咁多先
佢仲問要唔要飲品.......覺得有少少push你order多幾樣!!
除此之外，佢地的服務及食物我係滿意的，會再encore!!
不過要預多少少時間，因為唔係落完order d食物就會好快送來
大概最少要預25分鐘左右，但係值得等!
下次想試下佢地的低溫焗雞
沒有留言:
張貼留言