今次媽媽唔去，因為媽媽怕熱，所以佢話冬天先過澳門
問姐姐同yeeyee想唔想食豬腦麵，佢地異口同聲地表示唔食
咁就去成群食晏啦!!下.........連續兩日都唔開門............
咁即係連個天都叫我要去食豬腦麵
黎澳門咁多次，真係第一次黎東京小食館食豬腦麵
豬腦麵，我一定會食你架!
yeeyee叫的咖喱雞油麵.....yeeyee話個麵好辣!
抵呀!邊個叫你唔食豬腦麵!!
姐姐叫的炸大腸麵
碟洋蔥係我既，hahahaha，無錯! 食豬腦麵會送碟洋蔥比你!
我叫左豬腦豬豬雜米，好期待呀!究竟豬腦係咩味既呢???
個豬腦好滑，質地似豆腐花，不過比豆腐花再實d
而味道呢??就似豬潤，你幻想下食緊一舊滑而實豆腐花，不過係豬潤味!
呢個就係我食豬腦麵既經驗!下次去都會再食!!
沒有留言:
張貼留言