大喜屋放題

今朝係屋企睇雜誌，睇見D放題既廣告，心思思想食

於是打比姊姊，問佢有無節目

最後臨時決定去尖沙咀大喜屋食放題，午市由12:00至3:00/$188

我地十二點三左右去到，食到兩點鐘走人

年紀大，食唔到好多野

最好食係南瓜天婦羅，因為個南瓜好甜!

之前食過幾次吉壽，覺得坐得好迫

而與同一集團的大喜屋相比，大喜屋明顯無吉壽(旺角店)坐得咁迫

大喜屋D檯擺得無吉壽咁密，叫做坐得好少少，係好少少咋，再多D都無!

而大喜屋張檯既SIZE同吉壽一樣，好多時D食物都唔夠位放

個人覺得兩間食肆的食物質素差唔多，唔知係唔係因為同一集團的關係

原來滿屋日本料理都係同屬大喜屋同吉壽同一集團

即係呢三間既食物都會差唔多啦!!

埋單連加一每人$207

食飽飽去行尖沙咀SOGO

P.S. 見唔到大喜屋張剔剔紙有刺身帶子仔，唔通睇漏??


打完呢篇網誌後問返姐姐，姐姐話張剔剔紙係無帶子仔刺身