三姊妹遊澳門第5站

yeeyee想食魚皮，咁我地決定去祥記麵家，不過去祥記前我要求食豆腐花

今次都途經頤德行，不過我決定去試榮記，食完榮記再返黎頤得行食過

無錯，我要係最接近既時間試呢兩間出名既豆腐，咁樣比較會更準確

搵到喇!!!榮記


我要熱豆花+冰豆漿，冰豆漿唔叫無損失

我覺得豆花熱食永遠好味過凍食

至於榮記豆花，好滑! 熱豆花$5 凍豆花$6 豆漿$5

食完榮記豆花，我地行返去頤德行食佢既豆花

姐姐話佢唔要，無錯!!姐姐聽到我食完榮記豆花再去頤德行，眼都突埋...........

坐底睇緊餐牌時，有位店員姐姐拎左三碗豆花過黎..........

我望住佢，話我地未叫野喎!

店員姐姐話----呢度係得呢d食!!

我問有無熱豆花，店員姐姐話得凍!咁我話要兩碗

搞錯......我一定係食豆花架??你唔比我三個人要1杯豆漿2碗豆花???

由於無熱豆花既關係，無得作出比較...........

不過yeeyee話今次食頤德行無上次咁好味...........

佢話覺得榮記豆花好味過頤德行，yeeyee仲係頤德行食淨半碗豆花

凍豆花$6

食緊豆花時，見到有人買外賣，問店員嬸有無熱豆花

店員嬸話---無呀，得凍豆花，三十幾度仲食熱豆花?

咁豆花整出黎都係熱架啦!點解唔供應熱豆花喎!!