腳筋發炎

放暑假係一個好開心既日子，諗緊去邊度食D平時食唔到既野.........

但係竟然腳筋發炎...........邊度都去唔到，真係可惜!!

有朝起身一落床就覺得隻右腳好痛，因為要返校當值，所以都跛住返去!!

放工去睇跌打!!!醫師話條筋發炎，係唔係平時企得多或者行得多!!


其實我都放左暑假兩個星期，都企少左好多!!

睇完跌打果日零晨，痛醒左........點敷個冰袋先得!!

果朝跛住去睇西醫，我諗要食消炎藥先得..............

樓下個西醫話腫得好緊要...........都係問平時係唔係企得多同行得多!!

醫生即刻開左兩日假比我...........我放緊暑假，所以唔要假紙都得!!

食完三日藥，無咁痛，但仲有腫，再去覆診!!

醫生話仲係好腫，寫兩日假比我，我話我唔駛假紙!!

佢話無咁快好返，最少兩星期唔好做運動!!

我一向都好少做運動，所以對我無影響!!

但係醫生話，唔好落街，要買野搵人買!

係屋企最好乜都唔好做，做個懶人，比對腳休息下!! 咁即係無得行街啦!!

同老公講，醫生叫我最好係屋企做個懶人，咩都唔好做!!

老公話:你有無同醫生講，你不嬲係屋企咩都唔駛做??

嗚嗚，唔制呀!!邊度都去唔到，醫生話要一段時間先好返!!