潮公館@大本型

黎過潮公館都三四次，覺得食物唔錯!!

但係上開飯網睇食評就麻麻，各人口味唔同，唔可以一概而論

我一向唔鍾意食糖醋伊麵，覺得成舊麵卜卜脆，好似食緊炸麵咁!!

但係朝公館既糖醋伊麵面係脆，底係淋，我反而鍾意!!!

個麵仲有好香既蛋味!!  但如果你鍾意全脆就唔岩你口味!!



加D醋同糖!! YUMMY

炒飯，除左油D之外都唔錯，D飯炒到一粒粒，唔會黏埋一舊

個飯叫架己冷炒飯

煎蠔餅，同我地平時食開既唔同

呢個係比較有咬口，韌過平時食，蠔餅無蠔殼碎

媽MI話似佢細過食既煎蠔餅，有木薯粉

口水雞

黎親都叫，我鍾意佢個辣，麻麻痺痺咁!!

同一般口水雞唔同既係佢麻醬味比較重，亦都因為咁每次黎都會食

椒鹽九肚魚，炸得乾身唔油，好香脆

唔記得個名，睇個樣以為好淡，原來又唔係，排骨好夠味!!

潮公館，會再幫襯的食肆!!