墾丁茶房@大本型

之前媽媽同YEEYEE去左APM既御泰坊食野，但係我同姐姐仲未食

於是就去油塘搵食!姐姐話佢有兩個同事都話試過大本型既墾丁茶房，仲話幾好味!

好啦，一於試下啦!!

有兩個二大套餐，叫左其中一個

類似拍青瓜，我覺得酸左D，姐姐整得好味D


都唔記得叫咩名，肉碎炒豆角，唔會太鹹，唔錯喎!!

監酥豬扒，唔會炸到變柴皮，塊豬扒都幾鬆軟

我地個個都覺得好味!!媽媽唔好炸野都見佢主動夾黎食!!  強烈推介

炒花甲，都好味!!

類似砂鍋雲吞雞，肯定唔會比新鮮雞你啦!! 但都算唔錯

夠味

花枝丸食到魷魚味，唔會淨係得粉!! 趁熱辣辣食就最好味

另加飲品，叫左香芉珍珠奶茶、胚芽珍珠奶茶同茉香珍珠奶茶

雖然三杯都係凍飲，但係三杯都無加冰，唔會溝淡晒D味!

二人餐送的蕃薯糖水

其實每次經過墾丁茶房都無想過入去...........

不過今次試完真係覺得好味!!二百幾蚊有咁多野食，仲要唔收加一，真係抵食!!

下次一定再幫襯!!