焗海鮮拼盤

放暑假又係下廚既好機會

睇JAMIE'S 30 MINUTE MEALS學既焗海鮮拼盤

真係非常易整，唔需要任何技巧，而且好方便!!!

材料：

調味料(橄欖油、黑胡椒碎、鹽、迷迭香或其他香草、辣椒、蒜茸2-3粒 ) 適量、罐頭鯷魚約三至四條

露荀一束、蕃茄、檸檬各一個

蝦、三文魚柳


首先拎個焗盤，將調味料灑係焗盤上，再加三至四條鯷魚(連埋罐頭內的油)

然後將蝦同三文魚柳放係焗盤上，令蝦同三文魚沾上調味料

之後將檸檬及蕃茄切開放在盤內，再放上露荀

可以放入已預熱15分鐘的焗爐內焗20-25分鐘


幾快焗完，又好味、又簡單、又易整!!!

JAMIE教臨焗好前放四片煙肉，因為我唔記得買煙肉，所以無加到

但係味道一樣咁好味!!!

食前記得榨D檸檬汁落三文魚柳度

放三文魚柳時，記得皮向上，咁D魚皮先會卜卜脆

我第二日再整時總共用左兩個蕃茄，因為焗完之後個蕃茄依然好多汁，好好味!!!