和平飯店@大本型

唔計FOOD REPUBLIC，大本型大部份既食肆都試過!!(赤丸製麵所、EURO GO GO及D CORNER未試)

今次係去和平飯店，之前同老爺奶奶食過一次，無咩印象，只記得D食物好袖珍!!

上星期同SARAH,OBI,CAT佢地聚舊，選左大本型的和平飯店!!

各位都認為食物幾好!! 第二日我仲同老公去飲茶!!

寫下兩次食左D咩啦!!

上次老公已經想試熏蛋，$9/隻，有流心，但唔算流得好勁


雞絲粉皮，OKAY呀!! 夠麻醬，唔會孤孤寒寒得少少醬!!

川味口水雞，餐牌顯示有兩隻辣椒......................

我覺得幾辣，老公話唔太辣，佢幾時咁食得辣???

老公點既菜肉雲吞

小籠包，皮尚算薄，而且夾起唔易爛!! 裡面有肉汁，唔會乾爭爭

雪菜肉絲炒年糕，我覺得呢個唔錯呀! 個年糕唔會好黏牙，亦都夠味!!

阿CAT點的，唔記得叫咩名，不過呢度係兩碟既份量

同上面果碟係一齊，有個白色既包夾住呢兩樣黎食，好味!!

脆卜卜，唔會油淋淋

糖醋排骨，雖然賣相唔算太好睇，但係食落都唔錯

味道濃郁

鎮江肴肉

仲有我最愛既香蕉高力豆沙，炸得剛剛好，又唔會太油膩

最重要係唔會太甜，不過略嫌面層既糖霜灑得少左D，多返D就更好!


其實仲叫了擔擔麵、酸辣湯麵及豆沙窩餅!

擔擔麵唔錯，只係略嫌D湯汁杰左少少

豆沙窩餅同酸辣湯麵我一向都唔好，所以無得講!

要彈就係晚市唔夠人手，尤其坐滿客時，要等成十五分鐘先有侍應招待!!

希望下次去時可改善啦!!